Ghedenct o Heer David dyn knecht (Psalm 131) - Clemens non Papa, Jacobus

📄

Vorschau noch nicht erstellt

PDF öffnen ↗

PDF MIDI

PDF herunterladen MIDI herunterladen

Player wird geladen...

⌛ Epoche → Renaissance ◈ Genre → Motetten ♬ Besetzung → STB, SAB ¶ Sprache → Niederländisch

Stimmen 3

Instrumente A cappella

Seiten 2

CPDL Nr. 10580

Bearbeiter Andreas Stenberg

Veröffentlicht 2006-01-05

Lizenz Personal

Schlagwörter

Pages_using_DynamicPageList3_parser_function Posted_in_January_2006 More_than_90_days_old More_than_30_days_old CPDL_105xy

¶Liedtext

Den C.xxxi Psalm Memento domine David. Een liet in den hooghen Den Tenor Nae die wyse. Coemt doot tot my, rascht uwen ganc. Ghedenct o Heer David dyn knecht End al zyn lydsaemheyden. Hi heeft ghesworen den Heer oprecht Syn loef ten willen verbreyden Tot Jacobs God, dat is het slodt En heeft willen bescheyden. Yst dat ick gae in mine tent En climme op myn slaepstede Yst dat ick slaep myn ooghen toe sent En myn wynbrauwen mede Tot dat ick pladt, vinde Jacobs stadt Gods Jacobs huys met vrede. Wy hoorden, siet, dees stadt voorwaer, In Ephrata ghepresen En vonden die in velden aldaer, Daer boomen waren gheresen Wy sullen in zyn huys, gaen sonder confuys Daert goet is in te wesen. Wy sullen daer aenbidden dan Den Heere, God aencleven. Al opter stede (nu hoort dit an) Al daer zyn voeten bleven O Heer op staet, u huys in gaet Ghi, end u arck verheven. Justici laet u priesters syn Aen trecken nyeu gheboren U heilighen, vrolyck en bly laet zyn. om Dauid u vercoren ons niet onttrect, noch Christum bedect syn aensicht brengt te voren. God David swoer die waerheyt reyn. En sal hem niet frustreren. Ick sal dan laten u vrucht certeyn Op uwen stoel regneren Houden sy myn woort, u kindren: hoort Dat ick haer nu sal leeren. Op uwen stoel, u kinder altyt Hier sitten, en becliven Want God heeft Syon ghebenedyt Vercoren, in te bliven. Dit is myn rust, eewich myn lust Dees plaets woudick my toe scriven. Syn weduwe sal ick seer wel Helpen, ghebenedyen, End ick versaden haer armen sel, Haer priesters by mi vlyen Aen trecken haer salicheyt claer, Syn heylighen seer verblyen. Ick Davids hoorn sal brenghen by, Minen Christo een lanteerne: En sal bescamen al zyn party Dat sal ick doen soe geerne. Myn heylicheyt, op hem gheleyt, Sal blincken als een steerne.