Jam surgit hora tertia - Ambrosian chant

♪

⌛ Epoche → Mittelalter ◈ Genre → Chants ♬ Besetzung → Unison ¶ Sprache → Latein

Stimmen 1

Instrumente A cappella

Seiten 1

CPDL Nr. 7620

Bearbeiter Giovanni Vianini

Veröffentlicht 2004-07-15

Lizenz Personal

Schlagwörter

Pages_using_DynamicPageList3_parser_function Posted_in_July_2004 More_than_90_days_old More_than_30_days_old CPDL_076xy

¶Liedtext

Jam surgit hora tertia, Qua Christus ascendit crucem, Nil insolens mens cogitet, Intendat affectum precis. Qui corde Christum suscipit, Innoxium sensum gerit: Votisque praestat sedulis, Sanctum mereri Spiritum. Haec hora qua finem dedit Diri veterno criminis, Mortisque regnum diluit, Culpamque ab aevo sustulit. Hinc jam beata tempora Coepere Christi gratia: Fide replevit veritas Totum per orbem Ecclesias. Celso triumphi vertice, Matri loquebatur suae: En filius, mater, tuus; Apostole, en mater tua. Praetenta nuptae foedera Alto docens mysterio; Ne virginis partus sacer Matris pudorem laederet. Cui fidem coelestibus Jesus dedit miraculis: Nec credidit plebs impia; Qui credidit, salvus erit. Nos credimus natum Deum, Partumque Virginis sacrae, Peccata qui mundi tulit, Ad dexteram sedens Patris. Deo Patri sit gloria, eiusque soli Filio, cum Spiritu Paraclito! in sempiterna saecula. Amen.