Laudes deo - Sheppard, John

←→ navigate F fullscreen

PDF ↗

PDF von CPDL herunterladen ↗

"Troped lesson for the {{Cat|Midnight Mass|Missa in Gallicantu"

⌛ Epoche → Renaissance

◈ Genre / Form Other

♬ Besetzung → TT

◆ Difficulty

Fortgeschritten (Mittelstufe I)

¶ Sprache → Latein

Stimmen 2

Instrumente A cappella

Seiten 9

CPDL Nr. 83748

Bearbeiter Jason Smart

Veröffentlicht 2025-02-06

Lizenz Creative Commons Attribution Non-Commercial No Derivatives

Schlagwörter

Pages_using_DynamicPageList3_parser_function Posted_in_February_2025 More_than_90_days_old More_than_30_days_old CPDL_837xy

¶Liedtext

Laudes Deo dicam per saecula, qui me plasmavit in manu dextera, atque redemit cruce purpurea sanguine nati. Lectio Isaiae prophetae in qua Christi lucida vaticinatur nativitas. Haec dicit Dominus, Pater Filius, Sanctus Spiritus, in quo sunt omnia condita superna atque ima: Populus gentium qui ambulabat in tenebris, quem creasti, quem fraude subdola hostis expulit paradiso, et captivatum secum traxit ad tartara, vidit lucem magnam. Fulserunt et immania nocte media pastoribus lumina. Habitantibus in regione umbrae mortis, lux sempiterna et redemptio vere nova orta est eis. O stupenda nativitas. Parvulus enim natus est nobis. Magnus hic erit Jesus filius Dei, et filius Patris summi datus est nobis. Ab arce summa praedictum sic erat. Et factus est principatus super humerum eius, ut caelos regat atque arva. Et vocabitur nomen eius Messias, Sother, Emmanuel, Sabaoth, Adonai, Admirabilis, Radix David, Consiliarius, Dei Patris, Deus qui creavit omnia, Fortis, Barathri claustra perimens taeterrima, Pater Futuri Saeculi, Rex Omnipotens et Cuncta Regens, Princeps Pacis. Hic et in aevum multiplicabitur eius imperium in Jerusalem, Judea sive Samaria, et pacis non erit finis per saecula sempiterna. Super solium David, et super regnum eius sedebit, et regni meta sui non erit aliqua, ut confirmet illud in fidei pignore, et corroboret in iudicio et iustitia, Iudex cum venerit iudicare saeculum. Amodo illi debetur gloria, laus et iubilatio, et usque in sempiternum. Ab ortu solis usque occiduos, ad fines mundi orbis per climata, laus Creatori resonet congrua. Amen dicant omnia.

16 Aufrufe