Auld Edinburgh Cries - J. R. Perry

←→ navigate F fullscreen

PDF ↗

Download PDF on CPDL ↗

◈ Genre / Form → Partsongs ♬ Voicing → SATB ¶ Language → Lowland Scots

Parts 4

Instruments A cappella

Pages 12

CPDL # 77078

Editor David Anderson

Posted 2023-11-08

License Personal

¶Lyrics / Text

Loud the cries are ringin’, ringin’, Cheery ringin’ up an’ doun; Short but sweet the sang that’s singin’, Blithely through Auld Reekie’s toun. Wanderin’ weary, wet or dry, Hark yon sonsy maiden’s cry— “Four bunch a penny, the bonnie caller radishes!” Oh they’re bonnie! come an’ see them! Taste an’ try before ye buy. Ilka month brings in its treasures— Rizarts red, in clusters shine; Bonnie berries, green an’ yellow; Sugar-ploums sae sweet an’ fine. Wanderin’ weary, wet or dry, Hark yon sturdy hizzie’s cry— “Neeps like succar— wha’ll buy neeps!” Oh they’re bonnie! come an’ see them! Taste an’ try before ye buy. “Ripe strawberries!” “Sonsy cherries!” Greet the ear at ilka turn. “Buy my bonnie water-cresses, A’ the load frae Loudon Burn!” Wanderin’ weary, wet or dry, Hark yon wifie’s cheery cry— “Curds an’ whey!” Oh they're bonnie! come an see them! Taste an’ try before ye buy. “Fine sour dook— a pint a penny! Better milk’s no in the land.” “Heather ranges! heather ranges!” “Cauf for beds!” an’ “Yellow sand!” Wanderin’ weary, wet or dry, Hark yon barefit lassie’ “Ripe berries— the big pint a ha’pny!” Oh they’re bonnie! come an’ see them! Taste an’ try before ye buy. “Rosy-cheekit Carse o’ Gowrie’s!” “Juicy pears — a bonnie stock!” “Dulse an’ tangle!” “Caller partans!” “Wulks an' buckies!” “Candy rock!” Wanderin’ weary, wet or dry, Hark yon puir auld wifie’s cry— “Wha'll buy pease an’ beans? hot an’ warm!” Oh they're bonnie! come an’ see them! Taste an’ try before ye buy. “Wastlin’ herrin’! wastlin’ herrin’!” Come an’ buy— they’ll please ye weel. “Haddies— haddies —caller haddies!” Fresh an’ loupin’ in the creel. Wanderin’ weary, wet or dry, Hark yon Fisher Jenny’s cry— “Caller ou’!” Oh they’re bonnie! come an’ see them! Taste an’ try before ye buy.

15 views