Aucun Se Sont - A Dieu Commant - Super Te - de la Halle, Adam

♪

⌛ Period → Medieval ◈ Genre → Motets ♬ Voicing → ATT ¶ Language → French

Parts 3

Instruments Unknown

Pages 2

CPDL # 40863

Editor Monique Rio

Posted 2016-08-24

¶Lyrics / Text

1. Aucun se sont loé d'amours, Mais je m'en doi plus que nus blasmer, C'onques a nul jour N'i poi loiauté trouver. Je cuidai au premier Avoir amie par loiaument Ouvrer, Mais g'i peüsse longuement Baer, Car quant je mieus amai, Plus me convint maus endurer, N'onques celé que j'amoie ne mi vaut maustrer Samblant ou je me deüsse conforter Ne merci espérer. Tout adès metoit paine a moi eschiever ; Trop me donna a penser, Ains que je la peüsse oublier. Or voi-je bien sans douter Que loiaus hom est perdus qui veut amer, Ne nus, ce m'est avis, ne s'en doit mesler Fors cil qui bée a servir de guiller. 2. A Dieu commant amourettes, Car je m'en vois Dolens, pour les doucetes, Hors du doux païs d'Artois, Qui est si mus et destrois, Pour ce que li bourjois Ont este si fort mené Qu'il ni queurt drois ne lois. Gros tournois Ont anulé Contes et rois, Justices et prelas, tant de fois, Que la plus bêle compaigne, Dont Arras mehaigne, Laissent amis et maisons et harnois, Et fuient, c'a deus, c'a trois, Souspirant, en terre estraigne.