Dueil angoisseux - Binchois, Gilles

📄

Preview not generated yet

Loading player...

"DTÖ 14-15 gives 3 different contra parts. There is also a contrafact to the text ''Rerum conditor respice'' in Trent codices TR88, besides a tenor mass by John Bedyngham"

⌛ Period → Renaissance ◈ Genre → Ballades ¶ Language → French

Instruments A cappella

Pages 2

CPDL # 22752

Editor Patrick Elvin

Posted 2010-12-02

License CPDL License

¶Lyrics / Text

Dueil angoisseux, rage desmesurée, Grief desespoir, plein de forsennement, Langour sansz fin et vie maleürée Pleine de plour, d'angoisse et de tourment, Cuer doloreux qui vit obscurement, Tenebreux corps sur le point de partir Ay, sanz cesser, continuellement; Et si ne puis ne garir ne morir. Fierté, durté de joye separée, Triste penser, parfont gemissement, Angoisse grant en las cuer enserrée, Courroux amer porté couvertement Morne maintien sanz resjoïssement, Espoir dolent qui tous biens fait tarir, Si sont en moy, sanz partir nullement; Et si ne puis ne garir ne morir. Soussi, anuy qui tous jours a durée, Aspre veillier, tressaillir en dorment, Labour en vain, à chiere alangourée En grief travail infortunéement, Et tout le mal, qu'on puet entierement Dire et penser sanz espoir de garir, Me tourmentent desmesuréement; Et si ne puis ne garir ne morir. Princes, priez à Dieu qui bien briefment Me doint la mort, s'autrement secourir Ne veult le mal ou languis durement; Et si ne puis ne garir ne morir.