Homo quidam paravit cœnam magnam - Weissensee, Friedrich

♪

⌛ Period → Renaissance ◈ Genre → Motets ♬ Voicing → SATB.SATB.SATB ¶ Language → Latin

Parts 12

Instruments A cappella

Pages 28

CPDL # 79798

Editor Christopher Shaw

Posted 2024-03-30

License Creative Commons Attribution Share Alike

¶Lyrics / Text

Homo quidam fecit cœnam magnam, et vocavit multos. Misitque servum suum hora cœnæ ut diceret invitatis: Venite ad nuptias, quia jam parata sunt omnia. Et cœperunt omnes simul excusare. Primus dixit: Villam emi, et necesse est mihi exire, et videre illam: rogo te, habe me excusatum. Et alter dixit: Juga boum emi quinque, et eo ad probandum illa: rogo te, habe me excusatum. Et tertius dixit: Uxorem duxi, et ideo non possum venire. Et reversus servus renuntiavit hæc domino suo. Tunc iratus dominus dixit servo suo: Exi cito in plateas et vicos civitatis: et pauperes, et debiles, et claudos, et cæcos introduc huc. Et ait servus: Domine, factum est ut imperasti, et adhuc locus est. Et ait dominus servo: Exi in vias, et sæpes: et compelle intrare, ut impleatur domus mea. Dico enim vobis quod nemo virorum istorum qui vocati sunt, gustabit cœnam meam.