O Maria et Elizabeth - Banester, Gilbert

PDF ↗ MIDI ↗ MXL ↗

Download PDF on CPDL ↗ Download MIDI on CPDL ↗

Loading player...

"a cantus firmus motet dedicated to the Virgin Mary and sister Elizabeth, mother of John the Baptist"

⌛ Period → Renaissance

◈ Genre / Form Motets

♯ Key F major

⁄ Time Signature 4/4

♬ Voicing → SSSAATB

◆ Difficulty

Beginner

↕ Range F2 – F5

¶ Language → Latin

Measures 276

Texture mixed texture

Parts 7

Instruments SSSAATB

Pages 23

CPDL # 63740

Editor Michael Winter

Posted 2021-03-25

License CPDL License

♫Pitch Ranges

Treble

C4 – E5

Mean

E3 – B-4

Contratenor

C3 – F4

Tenor

C3 – D4

Bassus

F2 – B-3

¶Lyrics / Text

O Maria et Elizabeth, O fecunde cognate omnium matres Matrum felices ex quibus deus novum commercium prolis educandi natura mirante specialiter operatus est. Tu Maria velut rubus moysi igne haud concupiscencie conbusta eundem filium et non alium quem pater ab eterno genuit ihesum ex tempore mater et virgo peperisti. Et tu Elizabeth ut arida virgo aaron miro ordine florida cunctis sanctiorem prophetis procreasti sterilis Johannem. Sic ambarum ubera de celo plena sed Maria superplena de cuius plenitudine demones conculcantur homines salvantur angeli reintegrantur et quiquid partus Elizabeth boni habet ex donis gracie filii Marie est. O viscera celi rore onusta quarum obsequiis devote salutando humilitatis invicem prestitis; Eve peccamina veteris abolita precomia Trinitatis audita et nostre redempcionis primordia declarantur. Ac obtrusis ventre creatorem servus regem salvatorem cognovit et more tripudii mutuo filii congaudebant. Matres quidem gratam societate floridum aspectum ac colloquia celica cum dulcibus ad invicem osculis ad libitum habuerunt. Suscipe igitur piissima mater has preces nostras nam nephas est alibi te esse quam ubi est id quod a te genitum est. Protege quesumus tibi devotum athletam regem nostrum [Henricum] graciam dans huberem qua clemens cum iustitia diu regnet. Da virtutem illi in armis triumphantem hostesque rabidos iugo premat iusto et prosperitatem nobis confirmet. et post felices grandevi patris annos succedant liberi regno in paterno et avito virtute antiquos exsuperrantes celibratos. Ac ecclesiam et regnum et fidem et pacem habeat populus, amore timeat deum regem et legem, et nobis peccatoribus det veniam et graciam immortalis deus tuus filius gloriosus. Amen.

18 views