Pseaume 36 - Du malin le meschant vouloir - Sweelinck, Jan Pieterszoon

♪

⌛ Period → Renaissance ◈ Genre → Motets ♬ Voicing → SATTB ¶ Language → French

Parts 5

Instruments A cappella

Pages 13

CPDL # 36410

Editor Willem Verkaik

Posted 2015-08-06

License CPDL License

¶Lyrics / Text

Du malin le meschant vouloir Parle en mon cœur, et me fait voir, Qu'il n'a de Dieu la crainte: Car tant se plaist en son erreur, Que l'avoir en haine et horreur C'est bien force et contrainte. Son parler est nuisant et fin: Doctrine va fuyant, à fin De jamais bien ne faire: Songe en son lict meschanceté, Au chemin tors est arresté, A nul mal n'est contraire. O Seigneur, ta benignité Touche aux cieux, et ta verité Dresse aux nues la teste: Tes jugements semblent hauts monts, Un abysme tes actes bons Tu gardes home et beste. O que tes graces nobles sont Aux hommes qui confiance ont En l'ombre de tes aisles. De tes biens soules leurs desirs, Et au fleuve de tes plaisirs Pour boire les appelles. Car source de vie en toy gist, Et ta clarté nous eslargist Ce qu'avons de lumiere. Continue, ô Dieu toutpuissant, A tout cœur droit te congnoissant, Ta bonté coustumiere. Que le pied de l'homme inhumain De moy n'approche et que sa main Ne m'esbranle ne greve: C'est faict les iniques cherront, Et repoussés trebuscheront, Sans qu'un d'eux se releve.